Já góðan dag, það er hér rík hefð fyrir því að ritstjóri taki sig til og riti niður nokkur vel valin orð héðan og þaðan.

Ég hef lítið skrifað, aðallega vegna verkefna og drykkju ;) en það verður eitthvað stiklað á stóru hér

Þessi helgi byrjaði fyrir alvöru á föstudagskvöldið þegar ég ákvað að fá mér nokkra öllara niðri á Kaffi Akureyri og taka þátt í keppni sem heitir Ertu Skarpari en Kennaranemi, þess má geta að ákveðin Hjaltalín náði að svara hverri einustu spurningu rétt í keppninni en ég féll á þriðju spurningu, og ég var valinn með yfirburðum heimskasti maður skólans frá upphafi.. sem er ekki að spila nægilega gott mót að mér þykir. endaði svo djammið á stórbrotinn hátt dansskrefa hjá mér á Kaffi Akureyri síðla nætur.

Laugardagskvöldið átti að fara í rólegheit, horfa á eitthvað hundleiðinlegt í tölvunni en það var sett pressa á drenginn, þannig að tekið var á því einnig þetta kvöld, og var því leiðin tekin upp í Tröllagil þar sem ég sat í góðu samlæti með þeim Strebba og Andra, og var nokkurnvegin tekið vel á því, bæði yfir póker og drykkjuspili, þar sem það virtist vera hugur drengja að ráðast gegn mér ;) svo ég segi ekki annað. Stefnan var tekin niðrí bæ og um nóttina fékk maður svo heimasímanúmer frá sænskri snót, sem ég taldi upplagt á þeim tímapunkti, sökum ölvunar, en komst síðan að því að HVAÐ í ANDSKOTANUM hef ég að gera með sænskt heimasímanúmer hjá sænskri stelpu sem býr á íslandi fram á sumarið! þannig það féll um sjálft sig, og komst ég að því daginn eftir þetta ágæta djamm.

Síðan er það bara verkefnavinna framundan, með ekki betri manni en Magnúsi ;)

Jæjja góðir hálsar, ætli maður hendi ekki inn einu dágóðu bloggi um ferðalag okkar félaga til Englands 23-27. janúar 2008. Andskoti gott ferðalag þar á ferð og byrja ég bara að segja frá því hvernig þetta gekk fyrir sig dag frá degi.. því að margt skemmtilegt átti sér stað í þessu góða ferðalagi.

Miðvikudagur: Lagt var í hann frá Reykjavíkuborg uppúr 5:30 að morgni til að keyra í Leifsstöð og var ég víst designated driver þar sem að sumir voru aðeins vel í glasi þegar lagt var í hann, og var ég sjálfur hálf sofandi af þreytu í keyrslunni. Flugið til London gekk vel og var á réttum tíma hleypt í vélina. Reyndar í lendingu á Heathrow þurftum við að hringsóla ásamt svona 10 öðrum flugvélum yfir vellinum og var mjög skondið að sjá fullt af flugvélum í kringum sig þegar maður horfði útum gluggann.
    Það var gert fleira mjög skemmtilegt þegar við lentum, og tókum við lestir útum alla London og síðan eina til Southampton, þar sem við þurftum að liggja á töskunum okkar á miðjum ganginum því engin sæti voru til staðar, alveg horbjóður. Þegar komið var til Southampton fundum við hótel nánast um leið, sem var hræódýrt eða um 3000 kall nóttin á mann og gistum við þar næstu tvær nætur. Um kvöldið var kíkt á lífið í miðborg Southampton og flökkuðum við á milli skemmtistaða og bara. Enduðum inni á strippklúbb, þar sem við eyddum kvöldinu og nóttinni í góðu yfirlæti þar sem að fallegar stelpur þjónuðu okkur og veittu okkur þá ánægju að veita okkur einkadansa ;). Seint að nóttu var síðan taxi heim á hótel þar sem að menn voru í of slæmu ásigkomulagi drykkjulega séð til að labba meira en tvo metra.

Fimmtudagur: Vöknuðum nokkuð snemma, eða uppúr hádegi, og löbbuðum yfir á TGI fridays í Southampton þar sem maturinn er mjöög góður, fengum að tala í smá stund við meðlimi Alter Bridge fyrir utan hótelið þeirra, þar sem þeir voru á næsta hóteli við okkur, og var það algjör snilld, og kíktum síðan á lífið uppí miðborg Southampton enn og aftur. Fórum uppúr 16 upp að Southampton Guildhall þar sem að tónleikarnir áttu að fara fram um kvöldið og biðum þar með fólki frá Kanaríeyjum í um þrjá tíma, og gáfum þeim Ópalskot sem þeir voru ekki hrifnir af, og sögðu það minna á hóstasaft frekar en eitthvað annað. Húsið opnaði síðan um 19:00 og æddum við fremst á sviðið þar sem að beðið var eftir að Alter Bridge myndu stíga á stokk. Upphitunarhljómsveitin byrjaði síðan uppúr 20 og heitir hún Enjoy Destroy, og var hún skítsæmileg og biðum við síðan í um 45 mínútur eftir að Alter Bridge byrjuðu, þá var tekið við að hoppa og láta eins og vitleysingur yfir stórbrotnu spili og söng meðlima Alter Bridge, hitinn og svitinn var mikill ;) og var hoppað vel og lengi þangað til tónleikar enduðu. Hittum síðan hljómsveitarmeðlimi aftur eftir tónleika og fórum fljótlega uppúr því heim á leið þar sem að það beið okkur langur dagur næsta dag.

Föstudagur: vöknuðum nú uppúr 10 að morgni, enn með suð í eyrum frá tónleikum deginum áður, hentum okkur útaf hótelinu og redduðum okkur lest til Lundúna uppúr hádegi. Þegar við komum til London var farið að leyta að hótelum og fundum við eitt Hostel sem okkur leyst mjög vel á, var það í dýrari kantinum eða um 5000 krónur nóttin, en inní því var sturta á herbergjum, sjónvarp og morgunverður báða daga. Um daginn kíktum við aðeins á Oxford Street og skoðuðum eitthvað drasl, en tókum síðan fljótlega taxa uppá Planet Hollywood sem er víst einn mest töff veitingastaður sem ég hef nokkurn tíman farið á. Maður étur í sal, þar sem er fullt af flatskjáum og tónlist, fullt af glerbúrum með hlutum úr kvikmyndum, eins og Die hard 3 búningur Bruce Willis, stuttbuxur HASSELHOFS úr Baywatch og margt fleira skemmtilegt. Þar var étið mikið og vel af góðum mat og kokteilar drukknir af áfergju og maður orðinn vel kenndur eftir það, og fórum allir í krampakast úr hlátri þegar við fengum reikninginn, þvi hann var alveg sóðalega hár, eða um 250 pund rúmlega fyrir okkur fimm, eða um 28.000 krónur. Þannig við borguðum og drifum okkur út, fórum á uppistand síðar um kvöldið þar sem að Inkey Jones var uppistandari og gerði hann stólpagrín af mér og íslendingum og bandaríkjamönnum, og einum BELGA. ;) fórum heim og var maður vel í glasi eftir það.

Laugardagur: Laugardagurinn fór mestmegnis í það að redda okkur niður á London Astoria og bíða í röð í heilan dag, ásamt nokkuð mörgum, tónleikahúsið opnaði klukkan 18:00 og vorum við þá búnir að bíða í röð í tæpa fimm tíma. Við fórum inn og Finnur, Ísak og Biggi fóru þá beint fremst á sviðið til að fylgjast með en ég og Andrés ákváðum að fara upp og setjast á svalirnar eða Balconies og horfa á tónleikana úr fjarlægð og fengum við þar af leiðandi miklu betra sound og yfirlit á alla meðlimi og showið var stórkostlegt. Eftir tónleika var gert lítið annað en að redda sér heim á leið og að sofa, þar sem að erfiður dagur beið okkar til að fara heim.

Sunnudagur: þessi dagur einkenndist af mikilli bið á Heathrow vegna seinkunar á flugi, flugi, straumlausum bíl á keflavík, svefnleysi, ógeðslegu flugi til Akureyrar sem að seinkaði að sjálfsögðu, straumlausum bíl á akureyrarflugvelli, svefn, vaknaði með ógeðslega líðan, kvef og hausverkur með hita.. sem er ágætt í sjálfu sér og íslenska pítsan var það besta þegar ég kom heim.. Thanks Jón Sprettur.

þannig að í heildina séð var þetta frábær ferð og tónleikar Alter Bridge voru hreint út sagt stórbrotnir, og get ég eiginlega ekki beðið eftir að sjá þá aftur á sviði, enda reyndum við að tæla þá til Íslands, og Myles Kennedy söngvari Alter bridge, tók alls ekki illa í það að koma til íslands við tækifæri til að spila einhverja Acoustic tónleika.. Maður bíður spenntur!!

Já gleðilegt ár væri vægast sagt að segja þessa dagana, og er síðasta færsla skrifuð hér niður haustið 2007, en nú verður breyting á þar sem ég lofa sjálfum mér og öðrum að vera duglegri við að blogga en ég hef verið undanfarna mánuði. Maður er nú að breytast í algjöran "fokkmadur" hérna.. ef að kunnugir kannast við.

Já árið var kvatt með annálum, skaupi, almennri drykkju og skrípalátum, sem byrjaði allt á því að maður kíkti í áramótamatinn á torginu að venju og hitti þar ættingjana þar sem að drykkja hófst formlega með rólegum hætti, síðan þegar á skaupið leið var maður orðinn nokkuð vel í glasi, og þótti mér skaupið bara nokkuð gott þetta árið, margt skondið sem bar á þófa og skeljar þar á bænum. Baukurinn var síðan áfangastaður númer tvö, með stuttri viðkomu í bíl Hafþórs á Héðinshöfða/Árholti þar sem öllarar voru sopnir af allnokkri áfergju, og skundaði maður á fjórum hjólum niður á bauk eftir það, þar sem að margt var um manninn, og hitti ég þar mann sem heitir einhverju fornaldarnafni og spjallaði við hann nánast alla nóttina og einhverja vini hans, ómögulegt er fyrir mig að muna hvað þessi ágæti drengur heitir.

þess er skemmst að minnast að ákveðin er ferð til Southampton og Lundúna eftir tæpar þrjár vikur, þar sem verður margt um manninn á skemmtistöðum og öðrum stöðum sennilega líka, þar sem ferðinni er heitið til þessarra borga til að sjá Alter Bridge á tónleikum, sem verður án efa hin mesta skemmtun og nokkrir breskir öllarar sopnir þar sennilega, á uppsprengdu verði.

Ég er nú ekki góður í áramótaannálum en ég ætla að koma með smávegis svona ef ég get frá árinu 2007

Röflari ársins: Þennan titil hlítur án efa hinn góði félagi minn Ásgeir fyrir að geta ávallt fundið leið til að röfla yfir nákvæmlega öllum hlutum sem að gerast í kringum hann, jafnvel þótt ekkert ætti að finnast til að röfla yfir

Innipúkar ársins: Þennan titil hljóta bæði Heiðar og Snædís fyrir að gera ekkert annað en að hanga saman allar mínútur sólahringsins.. Alltaf gaman að heyra Hez tala um hvað Bjarni og frú eru mikið saman og aldrei á djamminu, exactly the same for them ;) fyrir utan að Hez og frú djamma öörlítið meira ;)

Fótboltalið ársins: Titilinn á englandi hlítur mitt eigið lið Manchester United og á Íslandi hlýtur hið stórbrotna lið KR að eiga þennan titil fyrir stórkostlegan og afberandi árangur á árinu.

Áramótaheit 2007: Mitt (engin orð um það meir)

Seinn ársins: Heiðar Hrafn hlítur að eiga þennan titil með rentu, þar sem hann mætti seint í ALLT nema vinnuna á þessu ári, þó sérstaklega fótboltaleiki, og hefur hann sennilega séð marga leiki með sínu liði á því ári 2007, nema alla leikina sá hann sennilega eftir 30. mínútu leiksins ;) Karl Hannes kom þó nálægt Hez í þessum efnum.

Stolt ársins: Karl Hannes (sonni) hlítur þessi verðlaun að þessu sinni, fyrir að reka við að meðaltali 45 sinnum á dag og ropa í hið minnsta 70 sinnum á dag og vera ekkert nema stoltið yfir því, enda veiddi maðurinn vel út á það að vera eins ógeðslegur og hægt er ;)

Niðurrakkari ársins: Karl Hannes hlítur þennan titil án efa, þar sem hann er duglegur við niðurrakk við minnsta tilefni (ath. einungis í glasi)

Staður ársins: Sennilega stofan hjá Finnz, en hún var óspart notuð undir drykkju og dvd gláp árið 2007

Leiðindi ársins: sennilega staðsetning mín í ákveðnu glerbúri tengt Háskólanum á Akureyri, sem var einstaklega mikið notað undir próflærdóm.

Drykkjumaður ársins: Nóri fær þennan titil af nokkru öryggi fyrir að velja hina ýmsu daga til drykkju. Ritstjóri fær þann heiður að vera nálægt í öðru sæti.

Plön ársins: Arnór (Nóri) fær þau verðlaun einnig, fyrir að hafa alltaf gríðarleg plön í framkvæmdum, plön sem hann framkvæmir ávallt ;)

Íþróttamaður ársins: Ritstjóri fær þennan heiður að vera íþróttamaður ársins, sennilega fyrir þær sakir að hafa farið tvisvar í fótbolta á árinu og mætt einu sinni í ræktina á Akureyri ;)

Setning ársins: Karl Hannes fær þessi verðlaun, og mun sú setning hljóma "ertekkað grííínaaaast!"


Jæjja nóg í bili
leifðu mér að hugsa..... uuuu JÁ!

Jæjja ákvað að henda inn einni vænni færslu hér inn á síðlakvöldi miðvikudags.. Lítið að gerast í blogg hjá manni, aðallega vegna mikilla anna vegna verkefnavinnu og skólavesens yfir höfuð.. Þetta er þó farið að minnka örlítið þar sem maður var að ljúka við ákveðið magn af verkefnum og ljúka við áfanga á þessarri önn á morgun, það sem verður líka skálað eftir það.

Tel það líklegt að maður verði í góðu stuði á föstudagskvöldi með ákveðnum hópi iðjuþjálfanema, sumir virkari en aðrir haaaa, og síðan er það sumarbústaður á laugardagskvöldið, það er að segja ef það verður fært upp í bústaðinn, það er eins gott fyrir færðina að svo verði, því annars er mér að mæta.

Sit ég hér í mínu indæla herbergi með Víking Gylltann í hönd, að hlusta á Aqua og Under the Sea, nokkuð góð lög þar á ferð, eða jafnvel ekki... ætlaði bara að gefa ykkur update á þessu fábrotna lífi mínu í dag, meira eftir helgi væntanlegt.

Þú ert holgóma, mamma þín og pabbi voru systkini er það ekki, þú hefur allavega ekki kennitölu!!

Jæjja góðan dag, kvöld og góða nótt kæru hálsar og hælsur.. ákvað að skella inn einu skemmtilegu bloggi hér öllum til mikillar dægras.tyttingar, og vona að þið hafið gagn og gaman af.

Ætli ritstjóri þessarar síðu hafi ekki gert sér lítið fyrir og hent sér inní Fnjóskadal á föstudagskvöldið og farið þar í Selland, þar sem bústaður nokkur er, þar sem að hið nýja félag Sötravinafélagið var að mæta og drekka sig inn í hug og hjörtu annars fólks. Góðmennt var þarna á þingi, og mættu þarna meira að segja Húsvíkingur og jafnvel tveir, og voru það mjög miklir góðvinir mínir sem þar komu, og ekki var það nú verra. Allt byrjaði þetta á einni vel steiktri kú sem slátrað var með dýrindis Víking Gull. Eftir það hófst mikil drykkja og voru sumir duglegri heldur en aðrir. Kynntist ég einum þremur nýjum drengjum á mínum aldri, og einn þeirra týndist nú í rúman klukkutíma inní einhverjum skógi, og á meðan við leytuðum hans öturlega, þá lá hann í mestu makindum inní einhverjum fjárans runna inní skóginum, sofandi að sjúga á sér þumalinn, náðum við nú að drösla honum heim.

Það er þess skárst þó að minnast frá þessarri helgi að United rótburstuðu Aston Villa 1-4, þar sem þeir hefðu sennilega geta unnið að minnsta kosti 1-8 ef þeir hefðu nýtt hvert einasta DAUÐA færi, eeen allt kom fyrir ekki og var mjög sanngjarn 1-4 sigur staðreynd. Liverpool viðbjóðslegir að venju, meira að segja liverpool menn ættu að vera samþykkir því nema einn.

Raikkonen heimsmeistari eftir stórbrotna lokakeppni á Sunnudeginum, og var sigur Raikkonen og Ferrari aldrei í hættu, þar sem að McLaren voru í djúpum skít alla keppnina, og gátu þannig lagað séð ekki JACK SHIT, mjög verðskuldaður heimsmeistaratitill... grey greyi Hamilton, svona er að vera ungur víst og klúðra undir pressu.

Hef þetta ekki lengra að þessu sinni... veriði sæl.. eins og hann sagði í Nýjasta tækni og vísindi!

Jæjja, þá er þessi eftirminnilega helgi liðin, og margt sem dreif á árdaga og bakka mína þessa helgina.

Á föstudaginn var maður mættur í skólann klukkan 8 til þess að vera blindur, fjölfatlaður og margan annan misindisskapinn í iðjustofunni, og uppúr hádegi var síðan lagt af stað niður í Oddfellow þar sem að heilbrigðisdeildarnemar ákváðu það að hittast í öllu sínu fótboltabullu veldi og kyrja saman og drekka nokkra skáldskaparmjeði áður en að laggt væri af stað niður á Ráðhústorgið í keppnina sjálfa í kappöskrið eða hvað sem það er nú kallað hér á bænum. Geitungur gerði sig heimakæran við Oddfellow húsið og komumst við að því í mikilli sameiningu að honum líkaði vel mjöðurinn sem er kenndur við gull, og skreið hann á ófáum gulldósunum, í þeirri veiku von um að hann fengi nú smá sopa, een honum leiddist þófið og á endanum flaug hann sína leið. Á ráðhústorgið var haldið gangandi með gulan í hendi þar sem að hinar ýmsu deildir komu saman til að öskra galli og úldnum jógúrtdollum úr kverkum og sigruðu engir aðrir en heilbrigðisdeildin það ef ég man ekki rétt.. Eftirminnilegt atvik þar, að myndatökumaður einn stóð á miðju torginu og var að taka upp frétt um okkur til að setja á Akureyrarsjónvarpið, een stúlka í bláum beljubúningi (sem hafði engin sjóngöt) hljóp á greyið og eyðilaggði myndavélina, aumingja kýrin.

Leið lá upp til Árskóga, sem er víst á Árskógssandi eða þar um bil, þar sem keppt var í hinum ýmsustu greinum og þóttu sumir liðtækari en aðrir, og var mér meinaður aðgangur að bjórdrykkjukeppni sem ég átti að taka þátt í, sökum ölvunar ;)

Kvöldið byrjaði svo með æfingu hjá raddlausum Mikael að syngja lagið Simply the Best með Tinu Turner og gekk það svosum ágætlega... kvöldið leið svo og leið og gerði maður ýmsann eftirminnilegan skandalinn sem vert er að minnast ef maður myndi nú eignast einhverntíman barnabörn. En mér var mál og ákvað ég því að létta á mér fyrir utan skemmtistað bæjarins, og taldi ég það þjóðráð á þeim tímapunkti en háborin skömm morguninn eftir, þar sem að ég fékk að líta gula spjaldið og nokkra þúsundkalla í sekt fyrir að brjóta lögreglusamþykkt, hvað sem það er nú. Og alltaf virðist vera gert mál úr smáhlutunum og gert lítið mál úr þeim stóru og alvarlegu hlutum sem gerast í miðbænum um helgar, alveg ótrúlegt nokk.

Það sem ég gerði mér síðan ekki grein fyrir síðar um kvöldið var, að þegar ég skrapp á efri hæð Kaffi Amour, fékk ég mér léttan snúning á dansgólfinu, sá nú nokkrar kvenverur þarna og síðan haug af karlmönnum og komu þá tveir að mér og fóru að dansa utan í mér og einn þeirra ákvað að minn mjúki afturendi væri vel til þess fallinn til að skella höndinni á og flengja og káfa, og hugsaði ég þá eftirfarandi línu "what the fuck is going on here" og fór síðan heim fljótlega eftir það og sá mér til mikillar skelfingar daginn eftir að í skránni stóð "gay kvöld á kaffi amour föstudags og laugardagskvöld". ekki það að ég sé á móti samkynhneigðum heldur það einungis að ég hafi ekk vitað þetta koma.

Málsháttur dagsins:

Það er skammgóður vermir að pissa á Amour.

Jæjja góðan daginn hér, hann er hlýr í dag.

En já maður er bara hangandi hér í Klettastígnum að slást við köngulær, geitunga og önnur skriðdýr þessa dagana, þar sem þeir askvaða hér inn eftir öllum gluggakistum í herberginu og undan ofnum og rúmum.

Nú hefur lögreglustjórinn í Reykjavík algjörlega misst sig, alltaf er hann í Skeggráður í kórnum í sjónvarpinu og nú vill hann taka á skemmtidagskrá borgarbúa, sem ég tel vera algjöra frásinnu, að loka bara skemmtistöðum klukkan 2 og þeir sem hafa skemmtistaði opna lengur en það, geta bara drullað sér uppí Breiðholt, Bessastaðahrepp eða Mosfellsbæ. Virðist pirringur lögreglustjóra aðallega standa af því að fólk er að losa úr skinnsokknum utan í Menntaskólann í Reykjavík og svipað ömurlega staði, inní húsaskot og aðra mannsæmandi staði og henda plastmálum útum allt, ekki gott mál þar á ferð. Tel að borgarbúar ættu nú einungis að sporna við þessum aðgerðum með því að pissa í þessi mál, og henda þeim í ruslafötur víðsvegar um borgina, þá ætti þetta ekki að vera vandamál, eða nota hreinlega þessi lélegu almenningssalerni í miðborginni, sem að lögreglan segir að séu yfirdrifið nægilega mörg, eða fjögur stykki fyrir um það bil 70.000 manns ;)

Svo eru víst göngur upp um fjöll og fyrnindi þessa dagana, sem ég slapp góðlega við, bauð mig reyndar alls ekkert fram, en þau vildu jafnvel fá mig í sveitina til að labba upp um mannhæðarháa snjókalla, þó svo að gaman hefði verið að sjá "ákveðinn" í Árdal vera sér og fleirum til skammar þetta haustið...

Já svo var maður fullur um helgina, sem er ekki frásögum færandi, og Páll Óskar varð fyrir valinu í Sjallanum, fór þar með einhverju liði sem ég hef ekki enn þann dag í dag hugmynd um hver eru. En þar var allavega nægilega troðið til að fólk gæti með naumindum andað frá sér, og varla að sér, vegna þrengsla sem mynduðust á göngum og tröppum Sjallans. En þá leysti fólk það mál, þó ekki plastmálið hér úr fyrri sögu, með því að príla uppá svið til hans Palla og dansa af sér rassgatið með góðu eða illu, og tók þá undirritaður til síns máls, ekki plastmáls, og klöngraðist upp á  svið og kúldraðist þar í dansi og svita í um þrjá tíma, innan  um Palla og gott ef að ákveðnir aðilar voru ekki þarna uppá sviði ásamt öðru mismunandi vel völdu liði.

Í lokin: Bakkað var á Hondu Accord við heimavist Menntaskólans á Akureyri aðfaranótt þriðjudags, með þeim afleiðingum að þolandinn slapp án teljandi skemmda, þó rispa og rúðupissplastdrasl hefði látið á sjá, gerandi í þessum verknaði eyðilaggði afturstuðarann þó algjörlega og hrósaði ég honum fyrir það.

auglýsing dagsins
Enginn verður óbarinn biskup.. Þjóðkirkjan.

samansoðnir málshættir að hætti Mika

Oft fara bændur útum þúfur.

Betri er einn fugl í sósu en tveir í frysti

He's completely out driving! (ath. bein þýðing af íslenskum málshætti)


kv. Miiiikiii

Jæjja, kannski að maður láti ljós sitt skína, talandi um ljós, hafiði heyrt nýja ljósalagið sem að á að vera á Ljósanótt í bænum þarna lengst úti á landi.. ÞAÐ ER EKKI GOTT!

en já að öðru, þá er ég víst fluttur til hennar Akureyrar og er bara asskoti ánægður með það hreinlega, þó að vanti nokkur húsgögnin í herbergið mitt hérna, en til stendur að bæta nokkuð vel úr því á komandi dögum og viku.. Lærdómur er þegar hafinn af krafti og lesturinn einnig, sem að er gífurlega ánægjuleg gjörð og kvetur mann áfram........... sem og verkefnavinnan... Er ekki nokkuð góð hugmynd að í háskóla, þá bara standi kennararnir og babla eitthvað í manni og leifa manni síðan bara að fara heim og ekkert múður, engar skólabækur, verkefni eða próf ;) heldur myndi maður bara mæta í tíma hjá kennurunum og ljúka misserinu þannig... hvaða Afródítesi datt i hug til að byrja með að hafa próf í lok áfanga?? maður ætti að reyna að tala eitthvað við hann..

En já annars gengur lífið sinn manngang að venju og hef ég heitið því að vera duglegri að skemmta mér í vetur heldur en síðasta vetur, sem verður erfitt býst ég við þar sem ég hef lítið annað gert síðan ég byrjaði í háskólanum en að leika mér, eeen maður er bara seint að þroskast uppúr þessu skemmtanahaldi, enda er það algjör óþarfi..

PS. Koddi fær að lifa enn einn veturinn!

"þá segi ég við föður minn í hjólastólnum.... jááá horfðu í eldinn, átta brennarar, meðan þú færð þér næringuhh, hann kinkar kolli... jááá fáðu þér næringuhh"

Já góða kvöldið hálsar og hælsur... ZUP!

Já vegna áskorana ákveðins manns hef ég ákveðið að hefja upp raust mína og henda inn nokkrum línum um eitthvað sem ég veit ekkert hvað er.. nefni engin nöfn (Magnús). Ástæða fyrir litlum skrifum... LETI og skortur á efni til að skrifa um..

Kosningar í nánd, nenni lítið að tala um það hér, enda ekki það gífurlegur áhugamaður um slíka hluti og allir stjórnmálaflokkar eru bara ógeðslegir, "það er ekkert öðruvísi en það". Nú er hafin próflesning fyrir fulla alvöru gjörsamlega og verkefnavinna í bland við prófin, sem er æðislegt, gæti ekki verið meira hamingjusamur með það, lífið hoppar og skoppar með manni.

ATH!. Illa borgað starf við ræstingar er laust strax í dag, starfið felst í því að þrífa 1 stk. herbergi, með afþurrkunum og einstaka skúringum. Áhugasamir hafið samband hér að neðan.

Maggi hvað í fjáranum á ég að rita hér niður, þú kvartar sí og æ um að ég bloggi ekki neitt, enda ekkert til að blogga um þessa dagana....

PS. Í hverju ganga Hawaii menn eiginlega???? blómasveig?

Góðan dag landar og stöllur, skrifað hér frá Húsavíkinni, þar sem ég er þessa dagana í vettvangsnámi og að gera ritgerð.. eða nei, ritgerðin er víst tilbúin eins og er og er maður bara að undirbúa sig að halda áfram í náminu eftir hádegið, sem mun verða á leikskóla hér í bæ.

Það sem kom mér mest á óvart var ákveðin frétt sem átti sér stað í Noregi fyrir skemmstu, eða bara sólahring eða svo.. Það var víst par sem var í miðjum klíðum við að stunda samfarir (ríðingar, hoppanir, serðingar) í rúminu sínu þegar að karlmaðurinn notaði afsökunina sem að flestar konur nota svona að minnsta kosti 4 sinnum í mánuði: "ég er með hausverk og líður illa" og fór hann þar næst af konu sinni... Neinei, þá varð konan svo reið að hún kærði hann til lögreglu.. og ástæðan fyrir ákærunni var þessi: Hann vildi ekki hafa samfarir og þess vegna ætla ég að ákæra hann til lögreglu vegna þess að hann átti samfarir með mér þegar ég var undir 16 ára aldri... Og var maðurinn að sjálfsögðu dæmdur í 90 daga skilorðsbundið fangelsi og sekt uppá 200.000 íslenskar krónur... HAHAHAHHAHAHA... eru norskar konur gjörsamlega ALGJÖRLEGA tómar á milli eyrnanna... hvað myndu helv**** rauðsokkurnar segja ef að karlmaðurinn myndi lögsækja konu sína fyrir að vilja ekki stunda samfarir... held að rauðsokkurnar myndu nú bara segja mikið við því og hóta öllum karlmönnum stríð á hendur... þvílíkt og annað eins...

ég verð bara að láta þessa frétt frá mér.... hver væri skaðinn ef að karlmenn myndu lögsækja konur sínar.. reiknum með svona 10-20 millljónum á hverja konu... þannig það má giska á fjölmarga milljarða sem konur þyrftu að greiða ef þetta yrði gert við þær...

haha